Yangi mahalla binolari foydalanishga topshirildi

Bugun aholi muammolariga yechim topish, ogʻirini yengil qilish, hayotdan rozi boʻlib yashashiga hissa qoʻshishda mahalla fuqarolar yigʻinlari muhim ahamiyat kasb etmoqda. Mahalla fuqarolar yig'inlari xodimlariga yanada qulayliklar yaratish maqsadida Bogʻot tumanida Oltinqum shaharchasi va Nayman mahalla fuqarolar yigʻini binolari qaytadan rekonstruksiya qilinib, foydalanishga topshirildi. Mahalla binosining ochilish marosimida tuman hokimi, sektor rahbarlari, nuroniy otaxonlar va mahalla faollari ishtirok etdi.